斷片??!!

沒錯!!!人地今日唔知聽日事
我今日唔知尋日發生咩事
話說呢幾日都係zoo家拍片+剪片
名義上係做野
但係唔知點解我個記憶係拍左一段之後就冇下文呢
當我清醒個下已經係下午12點同螢唔小心打爛zoo既杯
點解我會上左梳化?點解我會訓左?點解我訓醒後周身骨痛呢??
到度我係拍左個一段片之後發生咩事呢?
訓到迷左!!!仲迷過飲醉酒之後

收得唔清????
前幾日開始病
開頭只係有咳幾聲同喉龍痛
而學校一直有個優惠比d學生睇醫生只需$13
咁平時我又甚少有病
就算有病之餘我都唔會記得有呢個$13醫!!!!
好!!!!今次撞正我病病地又記起呢個$13醫!!!
一心諗住我冇可能讀左2年都冇去睇過呢個$13醫架
咁就死去睇呢個$13醫
唔睇都仲好!!!一睇就死鬼左
由本身少少病變到講野走音而去到依家唔見左把聲
冇錯!!!!你冇睇錯我都冇打錯!!!!!
我係唔見左把聲!!!!基本上只係出到一個音
好!!!!!死就死在我岩岩撞正要返工同去飲!!!!!
好啦!!!!去飲咪唔出聲扮下斯文只用身體語言去搵男人囉
返工點算呢????我又冇一絲意念想唔返wo
咁咪返囉!!!!一返到去
老闆:「嘩~做乜你今日返黎都唔打聲招呼呀!!!你平時好多野講架」
林虹:「.........」
老闆:「e!!你真係有唔妥wo!!!」
林虹:「係........唔.....呀.....(注:係呀病到出唔到聲呀)」
老闆:「....嘩你出唔到聲wo!!!你病得好嚴重wo!!!仲返黎做咩」
林虹:「唔....錢....(注:唔返黎下個月邊有錢用呀)」
老闆:「都唔知你講咩!!!你仲點教d細路!!!你請假啦!!同你出去順便執d開聲藥」
如是者我比個老闆帶左去中醫個d藥房
不過執既唔係中藥.....而係執左幾粒蜜蜂......
冇錯!!!就係傳說開聲之寶:咸竹蜂!!!!d水入面浮左幾隻蜜蜂個d咸水
嘩!!!望住個幾粒蜜蜂浮黎浮去都唔知飲好定唔飲....
人地一番心意....咪唯有飲囉......
飲個下我諗返起梁嘉螢比隻蟻入耳仔
如今我係飲有蜜蜂既水.....嘩好嘔心囉......
好!!!飲完到依家過左一日又真係好似好左d.....
叫做講得多1,2個音囉.....
不過呢掛d人打電話黎都講:「嘩!林虹你係邊呀!!你個電話收得咁差既」
「嘩!你咩台架!!收得好差wo」「你講咩呀??我聽唔到??好lag呀你電話」

其實.......唔係收唔清....係本人說不清......

還我AI功課
城汕交返黎d功課多到爆
一黎就係度趕I.S
I.S.之後又到flash
完了flash繼有I.S flash
I.S flash後還有motion graphic的片
motion graphics 之餘還有multimedia個份唔知咩黎
multimedia外仲有個maya
底能!!!!!要用一大堆我唔識既software做野點會做得好?
好似對上個份flash我做到成個ppt咁
如果咁樣可以合格我都要還神啦
好!!!就算我依家死去買flash,maya既書返黎學
我都唔可能係交呢堆功課前咁短既時間學得好!!!!
較為安慰的是係呢一堆功課中
publishing是用ai跟indesign做的=__=
我明明是ai神!!!點解依家我做既野同ai冇關???

好!!!!從前髒話只用在我發脾氣唔想做功課之時才出現
自從識到梁嘉螢後!!!我變本加例
髒話已是我跟螢溝通的主要用語
沒錯!!!螢是那種即使她不說話你也想罵她的人
連點激都唔會發癲既panda也忍耐不到
連向她發了幾句髒話!!

好!!然後今天玩了個底b遊戲
就是要不說髒話
一開始玩的時侯我明明說了只針對我用髒話鬧螢的
後來演變成我一說髒話就即死
好!!!本來都好地地
結果~~~爆左一個之後
就連串爆爆爆
最後不幸地說了句shit.....
這就真的shit了
我一直認為shit只是頂之類的朋友
點知被他人斷定這是髒話之一
好!!!!人生若不能說shit簡直冇意義!!!

嘩嘩嘩~macbook送來了
不過令我興奮既並唔係個macbook
而係送貨個個送貨仔
嘩!!!靚仔到爆囉
一打開門陽光活力樣既靚仔已經嘩嘩
再睇真d~個身材大隻到爆周身肌肉得黎又唔會覺得醜怪
仲有個唔知幾多寸既胸肌嘩~呢度已經值得你叫嘩嘩嘩
好!再黎簽收我簡直想將自己個電話no寫上去囉
簽收個時個靚仔仲抱起個箱叫我係上面簽會簽得舒服d
當然他另加一個燦爛到爆既笑容啦
嘩~呢下真係殺死我呢個久未接觸過男人既少女心囉

題外話:到底netvigator點係mac機上網
點解我上極都上唔到呢?